《讀者請教》
上年10月同老公結婚，之後入住佢屋企，發現奶奶極度迷戀我老公，我老公又一一照受，我分唔到佢係媽寶定習慣成自然
我老公成30歲人，佢媽試過喺我面前篤佢啲胸肌，平時會將d生果削皮切埋比佢食，仲喺我面前餵埋入佢口。佢仲曬咗我老公張相放喺屋企玻璃櫃，當使神咁供奉🙄最離譜嘅係電視隔離裝咗個cctv。喂大佬呀你平時唔喺度，我同老公想攬下都唔好意思
嚟到一齊住，我會煮飯洗碗洗衫，老公會幫手。奶奶見到就比說話我聽，話佢個仔變哂，以前都唔會做家務唔會去街市。喂auntie你想點？係咪想你個仔繼續做媽寶？永遠依賴你？
奶奶本身離咗婚，我老公有個結咗婚已經出咗去住嘅家姐。奶奶唔知係咪太悶，一至五走去佢個女屋企話要湊bb，連星期六日喺自己屋企都要開cam望住自己個女同女婿點湊bb（冇錯佢又安咗個cam喺人哋屋企），然後大聲批評佢哋湊得唔好。我每次聽到都好忟，你又要搶嚟湊唔比機會人學，又要彈人哋唔識湊。弊在老公家姐同姐夫照單全收，比佢鬧都唔出聲，寵到佢對住我老公都管三管四，我老公又ok㗎喎。
真係好痴線，我哋下個月會搬新屋，點可以拒絕比鎖匙佢？同埋唔比佢裝cam？點可以教到個老公獨立啲？謝謝。
＃我的極品四大長老
Search